Զամբյուղը դատարկ է
Ֆոլլաթթու 5 մգ 48 հատ
Կոդը ....... 7426Ինչ է ֆոլաթթու դեղը և ինչի համար է այն կիրառվում
Ֆոլաթթու դեղի ակտիվ բաղարդատարրը ֆոլաթթուն է, այն վիտամին է, որն անհրաժեշտ է նոր բջիջների գոյացման և դրանց ֆունկցիոնալ լինելու համար:
Ֆոլաթթուն կիրառվում է հետևյալ հիվանդությունների բուժման և կանխարգելման համար.
- Ֆոլաթթվի պակասով պայմանավորված սակավարյունություն՝ մեծահասակների և երեխաների մոտ,
- սակավարյունություն հղիության ժամանակ,
- որոշ դեղերի ընդունումից առաջացած սակավարյունություն,
- էրիթրոցիտների ավելցուկային հեմոլիզի արդյունքում առաջացած սակավարյունություն,
- հեմոդիալիզ ընդունող պացիենտների մոտ առաջացած սակավարյունություն:
Ֆոլաթթուն կիրառվում է հղիությունից առաջ և դրա ընթացքում՝ ֆոլաթթվի պակասով պայմանավորված պտղի նյարդային խողովակի զարգացման արատների կանխարգելման համար:
Ինչ պետք է իմանալ ֆոլաթթու դեղն ընդունելուց առաջ
Մի՛ ընդունեք Ֆոլաթթու դեղը և տեղեկացրեք բուժող բժշկին, եթե.
- ունեք ալերգիա ֆոլաթթվի կամ դեղի ցանկացած այլ բաղադրիչի նկատմամբ
- Ձեզ մոտ ախտորոշվել է չարորակ ուռուցք (բացառությամբ ֆոլաթթվի պակասով պայմանավորված սակավարյունության դեպքերի)
- B12-ի պակաս, որը չի բուժվել, օրինակ՝ բուսակերների մոտ սակավարյունության որոշ տեսակների դեպքում)
- Պերնիցիոզ սակավարյունություն (սակավարյունության տեսակ, որն առաջանում է B12-ի պակասից) կամ B12 վիտամինի պակասով պայմանավորված այլ իրավիճակներ:
Կիրառման հատուկ հրահանգներ և նախազգուշացումներ
Տեղեկացրեք Ձեր բժշկին կամ դեղագետին, եթե ընդունում եք, վերջերս ընդունել եք կամ պլանավորում եք ընդունել ցանկացած այլ դեղ:
Հետևյալ դեղերը կարող են ազդել Ֆոլաթթու դեղի ազդեցության վրա կամ Ֆոլաթթուն կարող է ազդել այս դեղերի ազդեցության վրա:
- Ֆենիտոին, ֆենոբարբիտալ, պրիմիդոն (էպիլեպտիկ նոպաների վերացման համար կիրառվող դեղեր)
- Ֆլյուորոուրացիլ, կիրառվում է ուռուցքների որոշ տեսակների բուժման համար
- Հակամանրէային դեղեր: Որոշ հակամանրէային դեղեր (տրիմետոպրիմ և սուլֆանիլամիդներ, ինչպես նաև՝ համակցված Կո-տրիմօքսազոլ դեղը) իջեցնում են ֆոլաթթվի ազդեցությունը: Ֆոլաթթվի հետ միաժամանակյա ընդունման դեպքում դրանք կարող են ազդել արյան հետազոտության արդյունքների վրա:
- Ստամոքսի խնդիրների ժամանակ կիրառվող որոշ դեղեր (սննդային կավ, ալյումին կամ մագնեզիում պարունակող անտացիդներ): Ֆոլաթթվի և ստամոքսի խնդիրների ժամանակ կիրառվող դեղերի ընդունումների միջև պետք է պահպանել երկու ժամ միջակայք:
- Ցինկ պարունակող դեղեր, օրինակ՝ մուլտիվիտամիններ կամ կենսաակտիվ հավելումներ (պետք է հաշվի առնել սա հղիության ժամանակ):
- Սուլֆասալազին, որը կիրառվում է աղիների բորբոքային հիվանդությունների բուժման ժամանակ, ինչպիսին են խոցային կոլիտը և Կրոնի հիվանդությունը:
- Խոլեստիրամին, որը կիրառվում է արյան մեջ խոլեստերինի մակարդակի իջեցման համար:
Կիրառումը հղիության և կրծքով կերակրման շրջանում
Այս դեղը կիրառվում է հղիության ժամանակ՝ սակավարյունության բուժման նպատակով:
Կրծքով կերակրման շրջանում խորհրդակցեք բուժող բժշկի հետ նախքան այս դեղն ընդունելը:
Ազդեցությունը ուշադրություն պահանջող գործողությունների վրա (փոխադրամիջոցների վարում, սարքավորումների հետ աշխատանք)
Այս դեղը չի ազդում փոխադրամիջոցների վարման կամ սարքավորումների հետ աշխատելու ունակության վրա:
Ֆոլաթթու դեղի դեղահատերը պարունակում են լակտոզա:
Նախքան Ֆոլաթթու դեղն ընդունելը խորհրդակցեք բժշկի հետ, եթե նա զգուշացրել է, որ Դուք ունեք անտանելիություն որոշ շաքարների նկատմամբ:
Ինչպես ընդունել ֆոլաթթու դեղը
Ֆոլաթթու դեղն անհրաժեշտ է օգտագործել բժշկի նշանակմանը համապատասխան: Եթե համոզված չեք, թե ինչպես պետք է դեղն ընդունել, դիմեք բժշկի կամ դեղագետի:
Ձեր բժիշը կորոշի Ֆոլաթթու դեղի դեղաչափը և ընդունման տևողությունը:
Այլ ցուցումների բացակայության դեպքում պետք է խմել դեղահատը ջրով:
Դեղաչափեր
Սակավարյունություն
Մեծահասակներ և 1 տարեկանից բարձր երեխաներ:
Սակավարյունության բուժման համար ընդունում են օրական 1 դեղահատ, իսկ կանխարգելման համար՝ օրական 1 դեղահատ՝ 7 օր (կախված սննդակարգից և հիմնական հիվանդությունից):
Մինչև 1 տարեկան երեխաներ
Օրական դեղաչափը կազմում է 500 մկգ/կգ:
Տարբեր քաշով երեխաների մոտ Ֆոլաթթու դեղահատերի դեղաչափման հարմարության համար կարելի է օգտագործել նաև Ֆոլաթթու 1 մգ դեղահատերը:
Նյարդային խողովակի զարգացման արատի կանխարգելում.
Օրական 1 դեղահատ՝ սկսած բեղմնավորման պահից հղիության առաջին եռամսյակի ընթացքում:
Եթե գերազանցել եք դեղաչափը՝ ավելի շատ դեղահատ եք ընդունել, քան թույլատրելի է
Եթե Դուք (կամ ուրիշ մեկը, այդ թվում՝ երեխան) ընդունել եք ավելի շատ Ֆոլաթթու դեղահատեր, քան նշանակված է բժշկի կողմից, քիչ հավանակն է, որ դա ինչ-որ կերպ կվնասի ձեր առողջությանը: Եթե Դուք ունեք կասկածներ՝ դիմեք բժշկին: Միշտ պահեք Ձեզ մոտ դեղի փաթեթը և ներդիր-թերթիկը:
Եթե դուք մոռացել եք ընդունել Ֆոլաթթու դեղը
Եթե Դուք մոռացել եք ընդունել դեղի հերթական դեղաչափը՝ ընդունեք այն հիշելուն պես: Եթե արդեն մոտենում է հերթական ընդունման ժամը՝ բաց թողեք չընդունած դեղաչափը: Մի՛ ընդունեք կրկնակի դեղաչափ՝ բաց թողնածը լրացնելու համար:
Ինչպիսի կողմնակի ազդեցություններ կարող են առաջանալ
Ինչպես բոլոր դեղերը, Ֆոլաթթու դեղը նույնպես կարող է առաջացնել կողմնակի ազդեցություններ, թեև ոչ բոլոր պացիենտների մոտ դրանք կարող են դրսևորվել:
Ինչպես ցանկացած այլ դեղ, Ֆոլաթթուն կարող է առաջացնել ալերգիկ ռեակցիաներ (գերզգայունություն): Եթե Ձեզ մոտ դիտվում է ներքոնշյալ ախտանիշներից ցանկացածը, պետք է անհապաղ դիմել բժշկական օգնության:
- քոր/մաշկի կարմրություն, ցան, դեմքի, շրթունքների, բերանի խոռոչի և կոկորդի այտուցվածություն կամ շնչառության կամ կլման դժվարություններ, շոկ (սառը, քրտինքով պատված մաշկ, թույլ զարկերակ, բերանում չորություն, բբերի լայնացում):
Որոշ պացիենտների մոտ դիտվում են հետևյալ կողմնակի երևույթները.
- ախորժակի կորուստ (անորեքսիա),
- սրտխառնոց,
- որովայնում փքվածություն,
- մեթեորիզմ,
- վիտամին B12-ի պակասի ախտանիշներ: Խորհուրդ չի տրվում ընդունել Ֆոլաթթու դեղն առանց սակավարյունության պատճառների հետազոտման:
Ինչպես պահել ֆոլաթթու դեղը
- Դեղը պահեք խոնավությունից և լույսից պաշտպանված վայրում՝ 15-250С ջերմաստիճանի պայմաններում:
- Դեղի պիտանիության ժամկետը 3 տարի է: Մի՛ օգտագործեք դեղը տուփի և բլիստերի վրա նշված պիտանիության ժամկետի ավարտից հետո:
Պիտանիության ժամկետն ավարտվում է նշված ամսվա վերջին օրը:
- Եթե դեղահատերը փոխել են իրենց գույնը կամ ցուցաբերում են վատորակության այլ նշաններ՝ մի՛ ընդունեք դրանք:
- Դեղերը չի կարելի նետել կոյուղի կամ կենցաղային թափոնների մեջ: Չօգտագործված դեղերի հետ վարվելու մասին հարցրեք դեղագետին: Այս միջոցառումներն ուղղված են շրջակա միջավայրի պահպանությանը:
Ինչ է պարունակում ֆոլաթթու դեղի փաթեթը և այլ տեղեկություն
Ինչ է պարունակում Ֆոլաթթու դեղը
Ֆոլաթթու 5 մգ դեղի յուրաքանչյուր դեղահատ պարունակում է.
ակտիվ բաղադրատարր՝ ֆոլաթթու- 5մգ,
օժանդակ նյութեր՝ միկրոբյուրեղային ցելյուլոզ, լակտոզա մոնոհիդրատ, պովիդոն, նատրիումի օսլայի գլիկոլատ, մագնեզիումի ստեարատ:
Ինչ տեսք ունեն Ֆոլաթթու դեղի դեղահատերը և ինչ է պարունակում փաթեթը
Կլոր, տափակ, մի կողմից՝ գծիկով, երկկողմանի երիզով դեղին դեղահատեր՝ ավելի մուգ գույն ունեցող փոքր և նոսր կուտակումներով:
48 դեղահատ պարունակող 2 բլիստերները (յուրաքանչյուր բլիստերում՝ 24-ական դեղահատ) ներդիր-թերթիկի հետ միասին տեղադրված են ստվարաթղթե տուփի մեջ:
50 դեղահատ պարունակող 5 բլիստերները (յուրաքանչյուր բլիստերում՝ 10-ական դեղահատ) ներդիր-թերթիկի հետ միասին տեղադրված են ստվարաթղթե տուփի մեջ:
Դեղատնից բաց թողնելու կարգ
Դեղատոմսով