Ֆլոքսատոն- բազմակողմանի պաշտպանություն!

Ընդունել միայն բժշկի ցուցմամբ

Բաղադրություն. 1 հաբում` լևոֆլօքսացին 500 մգ:

Դեղաբուժական խումբ. ազդեցության լայն սպեկտր ունեցող ֆտորքինոլոնների խմբի հակաբիոտիկ :

Ցուցումներ.

•  ՔԿԱ ինֆեկցիաներ՝ սուր բակտերիալ ծոցաբորբ (սինուսիտ)
• Ստորին շնչուղիների ինֆեկցիաներ (քրոնիկական բրոնխիտի սրացում, արտահիվանդանոցային թոքաբորբ)
• Մաշկի և փափուկ հյուսվածքների բարդացած ինֆեկցիաներ (ոտնաթաթի շաքարախտային խոց)
• Միզուղիների բարդացած ինֆեկցիաներ (պիելոնեֆրիտ)
• Միզապարկի չբարդացած բորբոքում (ցիստիտ)
• Շագանակագեղձի քրոնիկական բակտերիալ բորբոքում (պրոստատիտ)
• Սիբիրախտի թոքային ձև (հետվարակային կանխարգելում)

Դեղաչափը և օգտագործման եղանակը. Կիրառել համաձայն բժշկի նշանակման:

Ներքին ընդունման համար: Չափահասների համար (18 տարեկան և ավելի) ստանդարտ  դեղաչափը՝ 500 մգ (1հաբ) օրական 1-2 անգամ՝ անկախ սննդի ընդունումից: Դեղաչափավորումը և բուժման տևողությունը տարբեր հիվանդությունների ժամանակ կարող է տարբեր լինել:

Հակացուցումներ. Գերզգայունություն լևոֆլօքսացինի կամ այլ ֆտորքինոլոնների, ինչպես նաև դեղամիջոցի ցանկացած այլ բաղադրիչների նկատմամբ, էպիլեպսիա, նախկինում ֆտորքինոլոնների օգտագործմամբ պայմանավորված ջլերի վնասվածքներ, երեխաներ և դեռահասներ (մինչև 18 տարեկան), հղիություն և կրծքով կերակրման շրջան:

Պահպանում. Պահպանել 25°C ջերմաստիճանից ոչ բարձր պայմաններում:

Թողարկման ձև. 10 հաբ (կիսման գծով) բլիստերում: 1 բլիստեր (10 հաբ) ստվարաթղթե տուփի մեջ՝ ներդիր-թերթիկի հետ միասին: