Զամբյուղը դատարկ է
Ալբենդազոլ դհտ 400մգ N4
Կոդը ....... 15897Ի՞նչ է Ալբենդազոլ դեղը և ինչի համար է այն կիրառվում
Ալբենդազոլը պատկանում է հակաճիճվային դեղերի խմբին, արդյունավետորեն ազդում է մարդու օրգանիզմում մակաբուծող հելմինտների մի քանի տեսակների վրա: Ալբենդազոլ դեղը կիրառվում է էնտերոբիոզի, անկիլոստոմիդոզի, նեկատորոզի, հիմենոլեպիդոզի, տենիոզի, ստրոնգիլոիդոզի, ասկարիդոզի, տրիխոցեֆալեզի, կլոնորխոզի, օպիստորխոզի, Larva Migrans մաշկային համախտանիշի, երեխաների մոտ լյամբլիոզի, կիստոզ էխինոկոկոզ, ալվեոլյար էխինոկոկոզ, նեյրոցիստիցիրկոզ, հեպատիկոլեզ, գնատոստոմոզ, տրիխինելլեզ, տոկսոկարոզ:
Ի՞նչ պետք է իմանալ Ալբենդազոլ դեղն ընդունելուց առաջ
Չի կարելի ընդունել Ալբենդազոլ դեղը, եթե.
- հղի եք, ենթադրում եք, որ կարող եք հղի լինել կամ պլանավորում եք հղիություն,
- ունեք ալերգիա ալբենդազոլի կամ դեղի ցանկացած այլ բաղադրիչի նկատմամբ, որոնք նշված են «Ինչ է պարունակում Ալբենդազոլ դեղը» բաժնում:
Եթե ունեք հարցեր կամ կասկածներ դեղի ընդունման վերաբերյալ՝ խորհրդակցեք բժշկի կամ դեղագետի հետ:
Մի՛ ընդունեք Ալբենդազոլ դեղը, եթե Ձեզ մոտ դիտվում են վերոնշյալ խնդիրները:
Կիրառման հատուկ հրահանգներ և նախազգուշացումներ
Նախքան Ալբենդազոլ դեղն ընդունելը խորհրդակցե՛ք բուժող բժշկի կամ դեղագետի հետ եթե.
- ունեք լյարդի և երիկամների ֆունկցիայի խանգարումներ,
- Ձեզ մոտ առկա են արյունաստեղծ համակարգի խանգարումներ,
- Ձեր մարմնի զանգվածը 60 կգ-ից պակաս է,
- 65-ն անց եք:
Նախքան Ալբենդազոլ դեղի ընդունումը և բուժման ընթացքում Ձեր բժիշկը կարող է ստուգել լյարդի ֆունկցիան և նշանակել արյան հետազոտություններ:
Եթե կարծում եք, որ վերոնշյալ կետերից որևէ մեկը կարող է վերաբերել Ձեզ կամ, եթե ունեք հարցեր կամ կասկածներ այս դեղի ընդունման վերաբերյալ, դիմեք Ձեր բժշկին կամ դեղագետին:
Երեխաներ և դեռահասներ
60 կգ-ից փոքր մարմնի զանգված ունեցող երեխաներին և դեռահասներին խորհուրդ չի տրվում ընդունել Ալբենդազոլ դեղը:
Չնայած որ 60 կգ-ից փոքր մարմնի զանգված ունեցող 6 տարեկանից բարձր դեռահասների և երեխաների շրջանում իրականացվել են կլինիկական հետազոտություններ՝ Ալբենդազոլ դեղի կիրառումը 400 մգ դեղաչափով մինչև 6 տարեկան երեխաների շրջանում սահմանափակ է:
Ալբենդազոլ դեղի և այլ դեղերի միաժամանակյա կիրառում
Միշտ տեղյակ պահեք բժշկին կամ դեղագետին, եթե ընդունում եք, վերջերս ընդունել եք կամ պատրաստվում եք ընդունել որևէ այլ դեղ` ներառյալ առանց դեղատոմսի ձեռք բերվածները: Տեղեկացրեք բուժող բժշկին, եթե ընդունում եք հետևյալ դեղերը.
- ֆենիտոին, ֆոսֆենիտոին, կարբամազեպին, ֆենոբարբիտալ կամ պրիմիդոն (էպիլեպտիկ ցնցումների բուժման համար կիրառվող դեղեր),
- պրազիկվանտել կամ լևամիզոլ (հակաճիճվային դեղեր),
- ռիտոնավիր (պրոտեազային արգելակիչ, որը կիրառվում է ՄԻԱՎ-ի բուժման ժամանակ),
- ցիմետիդին (կիրառվում է այրոցի և ստամոքսի խոցի բուժման ժամանակ),
- դեքսամեթազոն (գլյուկոկորտիկոստերոիդ, հակաբորբոքային, հակաալերգիկ, հակաշոկային, իմունոճնշիչ դեղ),
- պերօրալ հակաբեղմնավորիչներ,
- հակակոագուլյանտներ (արյունը «ջրիկացնող« դեղեր),
- շաքարային դիաբետի բուժման ժամանակ կիրառվող հիպոգլիկեմիկ դեղեր,
- թեոֆիլին (տարբեր ծագման բրոնխոօբստրուկտիվ համախտանիշի բուժման համար կիրառվող դեղ (բրոնխիալ ասթմա, բրոնխիտ, թոքերի էմֆիզեմա)):
Ալբենդազոլ դեղի ընդունումը սննդի և ըմպելիքների հետ
Ալբենդազոլ դեղն ընդունելիս արգելվում է օգտագործել թուրինջ կամ թուրինջի հյութ, քանի որ դա կարող է հանգեցնել արյան մեջ ալբենդազոլի մակարդակի բարձրացմանը:
Կիրառումը հղիության և կրծքով կերակրման շրջանում
Մի՛ ընդունեք Ալբենդազոլ դեղը, եթե Դուք հղի եք, ենթադրում եք, որ հղի եք կամ պլանավորում եք հղիություն: Ծննդունակ տարիքի կանայք նախքան բուժման սկսելը պետք է թեստավորվեն՝ հաստատելու համար հղիության բացակայությունը:
Ալբենդազոլ դեղն ընդունող ծննդունակ տարիքի կանայք բուժման ողջ կուրսի ընթացքում պետք է օգտագործեն ադեկվատ հակաբեղմնավորիչ միջոցներ՝ ընդհուպ մինչև բուժման ավարտից հետո առաջին դաշտանի սկսվելը:
Ալբենդազոլ դեղով բուժման ընթացքում հորմոնալ հակաբեղմնավորիչների կիրառումը հակացուցված է: Հղիություն կարելի է պլանավորել միայն Ալբենդազոլ դեղի վերջին դեղաչափի ընդունումից 1 ամիս անց:
Հաստատված չէ՝ արդյոք Ալբենդազոլը թափանցում է կրծքի կաթի մեջ, թե՝ ոչ: Խորհրդակցեք բուժող բժշկի հետ նախքան կրծքով կերակրման շրջանում Ալբենդազոլ դեղն ընդունելը:
Եթե հղի եք, ենթադրում եք, որ կարող եք հղի լինել կամ պլանավորում եք հղիություն՝ նախքան Ալբենդազոլ դեղն ընդունելը տեղեկացրեք այդ մասին Ձեր բժշկին:
Եթե Դուք կերակրում կամ պլանավորում եք կերակրել կրծքով՝ անհապաղ տեղեկացրեք այդ մասին Ձեր բժշկին:
Ազդեցությունը ուշադրություն պահանջող գործողությունների վրա (փոխադրամիջոցների վարում, սարքավորումների հետ աշխատանք)
Ալբենդազոլ դեղը կարող է առաջացնել կողմնակի ազդեցություններ, որոնք կարող են ազդել փոխադրամիջոցների վարման կամ սարքավորումների հետ աշխատելու ձեր ունակությունների վրա: Նախքան ղեկին նստելը կամ սարքավորումների հետ աշխատելը՝ համոզվեք, որ Ձեր ռեակցիան նորմայի սահմաններում է:
Կարևոր տեղեկատվություն Ալբենդազոլ դեղի որոշ բաղադրիչների մասին
Ալբենդազոլ դեղը պարունակում է լակտոզայի մոնոհիդրատ: Եթե Ձեր բժիշկը տեղեկացրել է, որ Դուք ունեք շաքարի որոշ տեսակների նկատմամբ անտանելիություն՝ խորհրդակցեք բուժող բժշկի հետ նախքան այս դեղի ընդունումը:
Դեղը պարունակում բավարար քանակությամբ նատրիում, ինչը պետք է հաշվի առնել, եթե Դուք խուսափում եք սննդակարգում նատրիումի ընդունումից:
Ինչպե՞ս ընդունել Ալբենդազոլ դեղը
Ալբենդազոլ դեղը պետք է ընդունել բժշկի նշանակմանը համապատասխան: Եթե համոզված չեք, թե ինչպես պետք է դեղն ընդունել, դիմեք բուժող բժշկին կամ դեղագետին:
Դեղաչափ
Աղիքային վարակներ և Larva Migrans մաշկային համախտանիշ
Վարակ |
Տարիք |
Ընդունման տևողություն |
Էնտերոբիոզ, անկիլոստոմիդոզ, ասկարիդոզ, տրիխոցոֆալեզ, նեկատորոզ, |
Մեծահասակներ և 6 տարեկանից բարձր երեխաներ |
400 մգ` օրական 1 անգամ, միանվագ |
Ստրոնգիլոիդոզ, տենիոզ, հիմենոլեպիդոզ |
Մեծահասակներ և 6 տարեկանից բարձր երեխաներ |
400 մգ` օրական 1 անգամ, 3 օր: Հիմենոլեպիդոզի ժամանակ խորհուրդ է տրվում բուժման կրկնակի կուրս` 10-21 օր տևողությամբ: |
Կլոնորխոզ, օպիստորխոզ |
Մեծահասակներ և 6 տարեկանից բարձր երեխաներ |
400 մգ` օրական 2 անգամ, 3 օր |
Larva Migrans մաշկային համախտանիշ |
Մեծահասակներ և 6 տարեկանից բարձր երեխաներ |
400 մգ` օրական 1 անգամ: Ընդունման տևողությունը՝ 1-3 օր: |
Լյամբլիոզ |
Միայն 6-12 տարեկան երեխաներ |
400 մգ` օրական 1 անգամ, 5 օր: |
Համակարգային հելմինտային վարակներ (ավելի բարձր դեղաչափերով երկարատև բուժում)
Դեղաչափման ռեժիմը սահմանվում է անհատապես՝ կախված տարիքից, մարմնի զանգվածից և վարակի ծանրության աստիճանից:
Վարակ |
Ընդունման տևողություն |
Կիստոզ էխինոկոկոզ |
28 օր: Վիրահատության չենթարկվող տարատեսակի դեպքում խորհուրդ է տրվում երեք 28-օրյա բուժման կուրսեր՝ ընդունումների միջև 14-օրյա ընդմիջումով: Նախքան վիրահատությունը խորհուրդ է տրվում ստանալ երկու 28-օրյա կուրսեր՝ ընդունումների միջև 14-օրյա ընդմիջումներով: Եթե նախավիրահատական կուրսը 14 օրից պակաս է կամ հայտնաբերվում են կենսունակ կիստաներ՝ վիրահատությունից հետո անցկացվում են բուժման երկու 28-օրյա կուրսեր՝ ընդունումների միջև 14-օրյա ընդմիջումով: |
Ալվեոլյար էխինոկոկոզ |
28 օր: Երկրորդ 28-օրյա կուրսը կրկնում են ընդունումների միջև երկուշաբաթյա ընդմիջումից հետ: Բուժումը կարող է շարունակվել մի քանի ամիսների կամ տարիների ընթացքում: |
Նեյրոցիստիցերկոզ |
Բուժման տևողությունը 7-31 օր է: Երկրորդ կուրսը կարելի է կրկնել երկուշաբաթյա ընդմիջումից հետո: |
Հեպատիկոլեզ |
400 մգ՝ օրական 1 անգամ, 10 օրվա ընթացքում |
Գնատոստոմոզ |
400 մգ՝ օրական 1 անգամ, 10-20 օրվա ընթացքում |
Տրիխինելեզ, տոքսոկարոզ |
400 մգ՝ օրական 2 անգամ, 5-10 օրվա ընթացքում |
Ինչպես ընդունել Ալբենդազոլ դեղը
Ալբենդազոլ դեղն ընդունում են պերօրալ, ուտելու ժամանակ: Խորհուրդ է տրվում ընդունել դեղահատերը ամեն օր նույն ժամին (օրինակ՝ առավոտյան և երեկոյան): Եթե Դուք դժվարանում եք կուլ տալ դեղահատերը կարելի է նախ ծամել/մանրացնել դրանք, ապա կուլ տալ ջրով:
Եթե գերազանցել եք դեղաչափը՝ ավելի շատ դեղահատ եք ընդունել, քան թույլատրելի է Եթե ընդունել եք նշանակվածից շատ դեղահատեր՝ դիմեք շտապօգնության մոտակա կայան կամ այդ մասին անհապաղ տեղեկացրեք բուժող բժշկին: Վերցրեք Ձեզ հետ Ալբենդազոլ դեղի մնացած դեղահատերը:
Եթե Դուք մոռացել եք ընդունել Ալբենդազոլ դեղը
Եթե մոռացել եք ընդունել դեղի հերթական դեղաչափը՝ ընդունեք այն հիշելուն պես: Եթե մոտենում է հաջորդ դեղաչափի ընդունման ժամը՝ բաց թողնված դեղաչափը չարժե ընդունել:
Չպետք է ընդունել կրկնակի դեղաչափ՝ բաց թողնված դեղաչափը լրացնելու համար:
Եթե ունեք այլ հարցեր Ալբենդազոլ դեղի վերաբերյալ՝ դիմեք բուժող բժշկին կամ դեղագետին:
Ինչպի՞սի կողմնակի ազդեցություններ կարող են առաջանալ
Ինչպես բոլոր դեղերը՝ Ալբենդազոլը կարող է առաջացնել կողմնակի ազդեցություններ, սակայն դրանք առաջանում եք ոչ բոլորի մոտ:
Հետևյալ կողմնակի ազդեցություններից որևէ մեկի զարգացման դեպքում պետք է դադարեցնել Ալբենդազոլ դեղի ընդունումը և անհապաղ դիմել բժշկին կամ մոտակա հիվանդանոց և շտապ օգնության բաժանմունք:
Հետևյալ կողմնակի ազդեցությունները համարվում են շատ հազվադեպ և կարող են դիտվել 1/10000-ից ոչ հաճախ
- Մաշկային ռեակցիաներ:
Բազմաձև էքսուդատիվ էրիթեմա, որին բնորոշ են քոր եկող կարմրամանուշակագույն բծերը, որոնք տեղակայված են հիմնականում ոտնաթաթերի և ձեռքերի ափերի մաշկին, սեռական օրգաններին, աչքերի և բերանի խոռոչի լորձաթաղանթին: Ցանավորումը կարող է բարձրանալ մաշկի մակարդակից:
Բազմաձև էքսուդատիվ էրիթեմային բնորոշ են նաև թուլությունը և տենդը:
- Ծանր մաշկային ռեակցիաների այլ ախտանիշներ
Մաշկի գույնի փոփոխություններ, փուչիկներ և հանգույցներ, բշտիկներ, թեփոտում, կարմրածություն, ցավ, քոր, ցանավորում, որը կարող է լինել տարածված: Այս երևույթները կարող են ուղեկցվել տենդով, գլխացավով և հոդացավով:
Ուշադրություն դարձրեք ավելի լուրջ ախտանիշներին
Մակաբույծային վարակների դեմ բուժում ստացող պացիենտների մոտ կարող է ի հայտ գալ հազվադեպ, բայց շատ լուրջ հիվանդություն՝ նեյրոցիտիցերկոզ: Այդ դեպքում հիվանդը կարող է անգամ տեղյակ չլինել իր հիվանդության մասին:
Նեյրոցիստիցերկոզը զարգանում է, երբ մակաբույծը թրթուրային փուլում թափանցում է մարդու գլխուղեղ: Այս հիվանդության դեպքում ևս Ալբենդազոլ դեղը ցուցված է կիրառման համար:
Անհապաղ դիմեք բժշկին, եթե նկատում եք հետևյալ ախտանիշները.
- Անտանելի գլխացավ, որին հնարավոր չէ դիմանալ,
- Սրտխառնոց և փսխման նոպաներ,
- Ջղաձգումներ (ցնցումներ),
- Տեսողության խանգարումներ
Ալբենդազոլ դեղի առաջացրած ևս մեկ հազվադեպ, բայց լուրջ կողմնակի ազդեցություն է.
- Մեզի գույնի մգացումը կամ կղանքի գունազրկումը
- Մաշկի և աչքերի սպիտապատյանի դեղնությունը
Անհապաղ տեղեկացրեք բժշկին, եթե նկատել եք այս ախտանիշները.
Այլ հնարավոր կողմնակի ազդեցություններ
Շատ հաճախ հանդիպող (> 1/10)
- Գլխացավ
- Արյան հետազոտության պատկերի փոփոխություն: Եթե Դուք պետք է անցնեք արյան հետազոտություն՝ նախազգուշացրեք բժշկին, որ ընդունում եք Ալբենդազոլ դեղ:
Հաճախ հանդիպող (> 1/100 և < 1/10)
- Տենդ
- Գլխապտույտ
- Ստամոքսի խանգարում, սրտխառնոց, փսխում կամ ստամոքսի ցավ
- Մազերի բարակում կամ մազաթափություն, սակայն Ալբենդազոլ դեղի ընդունման դադարեցումից հետո մազերը վերականգնվում են:
Ոչ հաճախ հանդիպող (> 1/1000 և <1/100)
- Լյարդի հիվանդություններ
- Արյունաստեղծ համակարգի հիվանդություններ. լեյկոպենիա, որին հաջորդում է են տարբեր վարակները (ախտանիշներ. տենդ, սարսուռ, ցավ կոկորդում կամ խոցեր բերանի խոռոչում):
Շատ հազվադեպ հանդիպող (< 1/10000)
- Արյունաստեղծ համակարգի հիվանդություններ, որոնց պատճառով կարող է առաջանալ հոգնածություն, հևոցներ, հեմատոմա և առատ արյունահոսություն (օրինակ՝ քթային արյունահոսություն):
Եթե նկատել եք որևէ կողմնակի ազդեցություն, այդ թվում՝ այստեղ չթվարկված, տեղեկացրեք այդ մասին Ձեր բժշկին կամ դեղագետին:
Ինչպես պահել Ալբենդազոլ դեղը
- Մի՛ օգտագործեք դեղը տուփի վրա նշված պիտանիության ժամկետի ավարտից հետո: Պիտանիության ժամկետն ավարտվում է նշված ամսվա վերջին օրը:
- Դեղը պահեք երեխաների համար անհասանելի, չոր, լույսից պաշտպանված վայրում՝ 25°C-ից ոչ բարձր ջերմաստիճանային պայմաններում:
- Պիտանիության ժամկետ՝ 3 տարի:
Դեղերը չի կարելի նետել կոյուղի կամ կենցաղային թափոնների մեջ: Չօգտագործված դեղերի հետ վարվելու մասին հարցրեք դեղագետին: Այս միջոցառումներն ուղղված են շրջակա միջավայրի պահպանությանը:
Ինչ է պարունակում Ալբենդազոլ դեղի փաթեթը և այլ տեղեկություն
Ի՞նչ է պարունակում Ալբենդազոլ դեղը
Ալբենդազոլ դեղի յուրաքանչյուր դեղահատ պարունակում է.
ակտիվ բաղադրատարր՝ ալբենդազոլ – 400.0 մգ
օժանդակ նյութեր՝ միկրոբյուրեղային ցելյուլոզա, լակտոզայի մոնոհիդրատ, պովիդոն, մագնեզիումի ստեարատ, օսլայի նատրիումի գլիկոլյատ, եգիպտացորենի օսլա, նատրիումի լաուրիլ սուլֆատ, կարմիր ներկանյութ E129, նատրիումի սախարին, նատրիումի կարբօքսիմեթիլ ցելյուլոզ, ազնվամորու բուրահաղորդիչ:
Ինչ տեսք ունեն Ալբենդազոլ դեղի դեղահատերը և ինչ է պարունակում փաթեթը
Վարդագույն, կլոր, երիզով դեղահատեր որոշ բծերով՝ ազնվամորու բնորոշ հոտով:
Փաթեթի նկարագրություն.
4 դեղահատեր պլաստիկե սրվակի մեջ՝ ներդիր-թերթիկի հետ միասին տեղադրված ստվարաթղթե տուփի մեջ:
Դեղատնից բաց թողնելու կարգ
Դեղատոմսով: