Կայքը գտնվում է պատրաստման փուլում

Կատալոգ
Զամբյուղ

Զամբյուղը դատարկ է

Սթրեսի և լարվածության քայքայիչ ազդեցությունը. մտածե՛ք հետևանքների մասին

04 / 12 / 2021

Փսխում

 

Սթրեսն ու լարվածությունը կարող են առաջացնել փսխում և այսպես կոչված ցիկլային փսխման համախտանիշ, երբ սրտխառնոցն ու փսխումը մարդու մոտ առաջանում են օրվա միևնույն ժամին: Այս վիճակը հաղթահարելու համար անհրաժեշտ է որքան հնարավոր է շատ հանգստանալ, շատ ջուր խմել, սթրեսի դեմ պայքարելու ձևեր գտնել,օրինակ մեդիտացիայով զբաղվել:

 

Մազաթափություն

 

Մազաթափության բավական շատ պատճառներ կան. ժառանգականությունից մինչև դեղորայք: Սթրեսը նույնպես մազաթափության հաճախ պատճառներից է, այս դեպքում այն կարող է դրսևորվել այսպես կոչված օջախային ալոպեցիայի միջոցով: Կա մազաթափության ավելի վախեցնող տեսակ՝ տելոգեն ալոպեցիա, երբ պացիենտը հանկարծակի կորցնում է մազերի 70%-ը: Սա դժվար է բացատրել որևէ սթրեսային իրավիճակով, քանի որ այն կարող է հայտնվել սթրեսային իրավիճակից մի քանի ամիս անց:Խնդիրը սթրեսային գործոնի ազդեցության դադարից հետո անհետանում է:   

 

Քթային արյունահոսություն

 

Տարբեր կարծիքներ կան այս խնդրի շուրջ: Տեսակետներից մեկի համաձայն՝ սթրեսի հետևանքով բարձրացած զարկերակային ճնշումը կարող է պատճառ դառնալ քթային արյունահոսության :

 

Մոռացկոտություն

 

Քրոնիկ սթրեսը կորտիզոլի ազդեցության հետևանքով քայքայում է հիպոկամպը' ուղեղի հատվածը, որը պատասխանատու է կարճատև հիշողության համար: Այդպիսով քրոնիկ սթրեսը ազդում է ուղեղի հիշողության ֆունկցիային: Հիշողությունը վերականգնելու համար փորձեք ազատվել սթրեսից և մտավոր վարժություններ կատարեք հիշողությունը մարզելու համար:

 

Թուլացած իմունիտետ

 

Սթրեսի ամենաակնհայտ ազդեցություններից մեկը իմունիտետի թուլացումն է, ինչը տեղի է ունենում երկու պատճառով. նախ, սթրեսը խթանում է կատեխոլամինների արտադրությունը, որոնք իմուն համակարգի կարգավորմանը մասնակցող հորմոններ են: Նրանց անընդհատ արտազատումը բացասական է ազդում իմունիտետին: երկրորդ' սթրեսն ազդում է թիմուսին, որտեղ տեղի է ունենում արյան սպիտակ բջիջների հասունացումը:

 

Արտահայտված քրտնարտադրություն

 

Բոլորին հայտնի է որ սթրեսի ժամանակ քրտնարտադրությունը խթանվում է սակայն որոշ մարդիկ սկսում են տառապել հիպերհիդրոզից (գերքրտնարտադրություն): Սա միայն էսթետիկ խնդիր չէ: Գերքրտնարտադրությունը շրջապատի մարդկանց համար կարող է ազդանշան լինել որ իրավիճակը դուրս է գալիս կառավարումից: ինչպես նաև քրտինքը սնկերի և բակտերիաների զարգացման համար հրաշալի միջավայր է: Հետևաբար այս խնդրի առկայության դեպքում խորհրդակցեք բժշկի հետ: